ხვალ, 29 ოქტომბერს საქართველოს პრემიერ-მინისტრს, ბიძინა ივანიშვილს სახელმწიფო კანცელარიაში ელოდებიან. როგორც სააგენტო „ჯი-ეიჩ-ენს" ბიძინა ივანიშვილის პრესსამსახურში განუცხადეს, პრემიერ-მინისტრი სახელმწიფო კანცელარიაში ორშაბათს მივა და მუშაობას ოფიციალურად შეუდგება.
შეგახსენებთ, რომ საქართველოს მთავრობა საკანონმდებლო ორგანომ 25 ოქტომბერს დაამტკიცა. ახლადარჩეულმა პრემიერ-მინისტრმა მთავრობის პირველი სხდომა უკვე გამართა, რაზეც სასწრაფოდ განსახილველის საკითხები განიხილეს. მთავრობის პირველი სხდომა ქუთაისის მთავრობის სასახლეში ჩატარდა.
