მოსკოვს ვაშინგტონისგან დიპლომატიური არხებით ჯერ არ მიუღია განმარტება აშშ-ის პრეზიდენტ დონალდ ტრამპის მიერ ბირთვული ტესტირების განახლების შესახებ გაკეთებული განცხადებების შესახებ.
ამის შესახებ ჟურნალისტებს რუსეთის საგარეო საქმეთა მინისტრმა სერგეი ლავროვმა განუცხადა.
„არა, ჩვენ ჯერ არ მიგვიღია დიპლომატიური არხებით რაიმე ახსნა-განმარტება იმის შესახებ, თუ რას გულისხმობდა პრეზიდენტი დონალდ ტრამპი, როდესაც მან ბირთვული ცდების განახლების შესახებ განაცხადა.
გაურკვეველია, ეხებოდა თუ არა ეს ბირთვული იარაღის მატარებლების ტესტირებას, ე.წ. სუბკრიტიკულ ტესტებას, თუ დონალდ ტრამპმა მართლაც ისაუბრა ვაშინგტონის განზრახვაზე, განაახლოს სრულმასშტაბიანი ბირთვული გამოცდა“, - თქვა ლავროვმა.
აშშ-ის პრეზიდენტმა, დონალდ ტრამპმა შეიარაღებულ ძალებს დაავალა, დაუყოვნებლივ განაახლონ ბირთვული იარაღის ცდის პროცესი 33-წლიანი პაუზის შემდეგ. ტრამპს არ დაუკონკრეტებია, მოიცავს თუ არა ეს მიწისქვეშა ბირთვულ გამოცდებსაც. როგორც ტრამპმა აღნიშნა, ამას სხვა ქვეყნები თუ აკეთებენ, ამას შეერთებული შტატებიც გააკეთებს.
მანამდე, ვლადიმირ პუტინმა განაცხადა რაკეტა „ბურევესტნიკის“ გამოცდის შესახებ, რომელსაც ბირთვული ძრავა აქვს.
