ოკუპირებული ტერიტორიების შესახებ სახელმწიფო სტრატეგიის პროექტზე მუშაობა დასრულებულია.
როგორც რეინტეგრაციის საკითხებში სახელმწიფო მინისტრმა თემურ იაკობაშვილმა დღეს ჟურნალისტებს განუცხადა, პროექტის განხილვა უახლოეს მთავრობის სხდომაზე მოხდება.
მისივე განმარტებით, პროექტის დამტკიცების შემდეგ უკვე სტრატეგიის სამოქმედო გეგმის შემუშავებაზე დაიწყება მუშაობა.
იაკობაშვილს იმედი აქვს, რომ მისი აპარატის მიერ მომზადებულ სტრატეგიას საქართველოს მთავრობა მოიწონებს.
