ლექვინაძე აცხადებს, რომ რეიტინგის დაწევრის ფონზე, ქართულ ბაზარზე აშშ დოლარის შესუსტება კიდევ უფრო მოსალოდნელია, თუმც ამას შეუქცევადი ხასიათი არ ექნება..

"ვფიქრობ აშშ-ის საკრედიტო რეიტინგის დაცემა საქართველოზე დიდ გავლენას ვერ მოახდენს. მთავარი, რაც აისახება ქართულ ბაზარზე აშშ დოლარის შესუსტებაა, რომელიც რეიტინგის შემცირების შემდეგ გრძელდება. საქართველოს სავალუტო რეზერვების 70%-მდე სწორედ ამ ვალუტაში აქვს განთავსებული, ასევე დანაზოგებიც ბევრს სწორედ ამ ვალუტაში აქვს განთავსებული. თუმცა ვფიქრობ ეს პროცესი დიდხანს არ გაგრძლედება. ამ ფონზე გრძელდება ოქროს გაძვირების პროცესი, რაც ასევე ასახვა პოვებს ქართულ ბაზარზე",- აცხადებს ირაკლი ლექვინაძე.

ექსპერტის განმარტებით, საკრედიტო რეიტინგის დაცემამ ყველაზე მეტად ისრაელის საფონდო ბაზარი დაზარალა.

"მიუხედავად იმისა რომ პარასკევს Standard & Poor's განცხადების შემდეგ ევროპულმა და აზიურმა საფონდო ინდექსებმა კლება განიცადეს, ყველაზე მეტად კი ისრაელის საფონდო ბაზარი დაზარალდა. საქართველო ამ პროცესებზე დამოკიდებული არ არის, შესაბამისად გავლენაც მინიმალური იქნება. პარასკევი დღე სააგენტომ სპეციალურად შეარჩია, რომ განცხადებს მსოფლიოს უმსხვილესი ეკონომიკის რეიტინგის შემცირების შესახებ ინვესტორებზე უფრო მეტი ნეგატიური გავლენა არ მოეხდინა და მყისიერი პანიკისგან დაეცვათ ბაზარი", - აღნიშნა "ჯი-ეიჩ-ენთან" საუბრისას ირაკლი ლექვინაძემ.

შეგახსენებთ, რომ საერთაშორისო სარეიტინგო სააგებნტომ Standard & Poor's-მა, აშშ-ში სახელმწიფო ვალის ზღვის პრობლემის ფონზე, საკრედიტო დონე მაქსიმალური "ААА" -დან "АА+"-მდე დასწია. საერთაშორისო ეკონომიკურ თანამეგობრობაზე ნეგატიური გავლენა იქონია აშშ-ს კანონმდებლების მიერ ვალის საკითხთან დაკავშირებით მოლაპარაკებების უნარის არ ქონამ. თავის მხრივ, თეთრმა სახლმა Standard & Poor's ფაქტებით მანიპულირებასა და რეიტინგის არასწორ დათვლაში დასდო ბრალი. ობამას მრჩეველმა ეკონომიკურ საკითხებში ჯინა სპერლინგმა განაცხადა, რომ აშშ-ს ფინანსთა სამინისტრომ მიუთითა სააგენტოს გათვლებში 2 ტრილიონიანი შეცდომის შესახებ, თუმცა მათი მხრიდან აღნიშნულს რეაგირება არ მოჰყოლია. საერთაშორისო ეკონომიკურ წრეებში აღნიშნული ფაქტის გამო ერთგვარი პანიკაა შექმნილი, მთელი რიგი ქვეყნების ანალიტიკოსები მოსალოდნელი გლობალური საფრთხის შესახებ საუბრობენ.

"აშშ-ს საკრედიტო რეიტინის აღდგენას უმაღლეს დონემდე შესაძლოა 10 წელზე მეტი დასჭირდეს"-, ამის შესახებ სარეიტინგო სააგენტო Standard & Poor's-ის მართველმა ჯონ ჩემბერსმა განაცხადა. რაც შეეხება საგენტოებს Moody's და Fitch მათ აშშ-ს რეიტინგი კვლავინდებურად „ААА" დონეზე დატოვეს.