საქართველოს ტყის ფონდიდან გრძელვადიანი სარგებლობისთვის ტყე 49 წლით გაიცემა. აღნიშნულთან დაკავშირებით პარლამენტმა "ტყის კოდექსში" ცვლილება მესამე მოსმენით დაამტკიცა.
განხორცილებული ცვლილების თანახმად, საქართველოს ტყის ფონდი გრძელვადიანი სარგებლობისთვის 49 წლით გაიცემა და იმავდროულად, მთავრობის თანხმობით შესაძლებელი იქნება სარგებლობის ვადის გაგრძელება.
აღსანიშნავია, რომ ცვლილებას პარლამენტის გარემოს დაცვისა და ბუნებრივი რესურსების კომიტეტის თავმჯდომარე აკაკი ბობოხიძე ეწინააღმდეგებოდა.
ბობოხიძემ მოითხოვა გრძელვადიანი სარგებლობისთვის გაცემის ვადა ისევ 20 წელი დარჩენილიყო, თუმცა ცალკეულ შემთხვევებში მთავრობას ვადის გაგრძელების უფლება ჰქონოდა.
მთავრობამ ბობოხიძის აღნიშნული მოთხოვნა არ გაითვალისწინა.