უახლოეს ხანებში, Bleckberry-ს ოპერაციულ სისტემაში ქართული ენის მხარდაჭერა გაჩნდება და ასევე მიღებულ იქნა დასტური რომ განახლდება რუქა Bleckberry-ს მომხმარებლებისათვის.
ეკონომიკის და მდგრადი განვითარების სამინისტროს ინფორმაციით, სამინისტროს მიერ კომპანია Bleckberry -სთან აქტიური მოლაპარაკებები თებერვლის თვეში დაიწყო იმ რიგ პრობლემებზე და პერსპექტივებზე რომელიც საქართველოსთან მიმართებაში არსებობს. შედეგად საქართველოს მომხმარებლებისათვის სულ უფრო მეტი სერვისი ხდება ხელმისაწვდომი Bleckberry -ს პლატფორმის ბაზაზე.
კერძოდ ჩაირთო Bleckberry Application world სერვისი რაც ოპერაციული სისტემის განახლების ასევე ფასიანი და უფასო პროგრამების გადმოწერის შესაძლებელობას ქმნის Bleckberry-ს საფირმო ინტერნეტ მაღაზიიდან. დაიგეგმა რომ ახლო მომავალში Bleckberry-ს ოპერაციულ სისტემაში ქართული ენის მხარდაჭერა გაჩნდება და ასევე მიღებულ იქნა დასტური რომ განახლდება რუქა Bleckberry-ს მომხმარებლებისათვის და საქართველოს აღნიშნულ პლატფორმაზე სრულყოფილი ციფრული რუქა იქნება წარმოადგენილი. გარდა ამისა საქართველოს ეკონომიკის და მდგრადი განვითარების სამინისტროსთან ერთად რეგიონალური ღონისძიების Bleckberry Developer Days-ის ჩატარებაც იგეგმება.