"ყატარის ავიახაზები" საქართველოში იფრენს. "ყატარის ავიახაზებმა" საერთაშორისო საფრენი მარშრუტების ქსელის გაფართოების შესახებ განცხადება დღეს გააკეთა.
უგანდა, აზერბაიჯანი და საქართველო ავიაკომპანიის იმ ქვეყნების სიაში შევიდა, რომლებსაც ავიახაზების დოჰას ჰაბიდან ემსახურებიან.
ყოველდღიური ჩარტერული რეისები უგანდის სიდიდით მეორე ქალაქ ენტებეს მიმართულებით 2 ნოემბერს დაიწყება.
2007 წლის შემდეგ აფრიკის კონტინენტის მიმართულებით ეს "ყატარის ავიახაზების" პირველი რეისი იქნება. 4 კვირის შემდეგ კი, 30 ნოემბერს "ყატარის ავიახაზები" დაიწყებს რეგულარული ფრენების განხორციელებას ცენტრალური აზიის მიმართულებით, რომელიც ბაქოში დაჯდომის შემდეგ ფრენას თბილისის მიმართულებით გააგრძელებს.
დოჰაში განთავსებულ გადამყვანს მომავალში საკმაოდ რთული, დატვირთული თვეები ელის, რადგან კომპანია ივნისში ფრენების განხორციელებას შირაზის, ვენეციის და მონრეალის მიმართულებით გეგმავს. ივლისში კი კალკუტას, სექტემბერში - სოფიას და ოქტომრის თვეში ოსლოს მიმართულებით.
გაფართოების გეგმის გამოცხადებისას "ყატარის ავიახაზების" აღმასრულებელმა დირექტორმა აკბარ ალ ბაკერმა განაცხადა, რომ ახალი მარშრუტები ნათლად ემსახურება ავიახაზების ამბიციურ სტრატეგიას, შექმნას ახალი მარშრუტები და დაუტვირთავ ბაზრებს მოემსახუროს.
"ყატარის ავიახაზების" აღმასრულებელი დირექტორის თქმით, თბილისი მნიშვნელოვანი ინდუსტრიული, სოციალური და კულტურული ცენტრია. ის მსოფლიო ენერგეტიკული და სავაჭრო პროექტებისთვიის უმნიშვნელოვანეს სატრანზიტო მარშრუტს წარმოადგენს. თბილისი ევროპისა და აზიის გასაყარზე, ისტორიული აბრეშუმის გზაზე მდებარეობს.
სამ ახალ მარშრუტს ა-320 ტიპის აერობუსი მოემსახურება, რომელიც ორ კლასად იქნება დაყოფილი - 12 ადგილი ბიზნესკლასში და 123 ეკონომკლასში.
შუა აზიის უმნიშვნელოვანესი სავაჭრო სამოგზაურო შოუს, არაბული ტურისტული ბაზრის გახსნის დღეს ალ ბაკერმა განაცხადა, რომ უგანდა, აზერბაიჯანი და საქართველი ის ბაზრებია, რომლებსაც საერთაშორისო გადამყვანები არცთუ დიდ მნიშვნელობას ანიჭებდნენ.
"თუმცა, მოთხოვნა საკმაოდ დიდია და დიდია პოტენციალიც; ჩვენ გლობალური გადამყვანი ვართ და საშუალება გვაქვს, დავაკმაყოფილოთ 3 ქვეყნის სამგზავრო მოთხოვნილებები და სხვა ქვეყნებისთვის რომლებსაც ამ ქვეყნების მიმართულებით სურთ ფრენა."- განაცხადა "ყატარის ავიახაზების" აღმასრულებელმა დირექტორმა.