საქართველოს საგადასახადო რეფორმის გაზიარებას სხვა ქვეყნებიც ცდილობენ. როგორც დღეს საერთაშორისო კონფერენციაზე სიტყვით გამოსვლის შემდეგ, ჟურნალისტებთან საუბრისას საქართველოს პრემიერ-მინისტრმა განაცხადა, მსოფლიო ბანკი და IFC-სი აღიარებენ, რომ ქვეყანაში მრავალი სასიკეთო რეფორმა გატარდადა.
"საერთაშორისო კონფერენცია საგადასახადო სისტემებსა და საგადასახადო კოდექსს ეძღვნება, ასევე განხილული იქნება, თუ როგორ შეიძლება დამუშავდეს საგადასახადო დოკუმენტაცია. კონფერენციაზე დასასწრებად, ჩამოსულია 20-მდე ქვეყნის წარმომადგენლები. კონფერენციის ფარგლებში, მთავარი დუსკია იქნება, იმაზე თუ რა რეფორმები გატარდა საქართველოში და კიდევ რა არის გასაკეტებელი და როგორ შეიძება საგადასახადო სისტემებმა ხელი შეუწყოს მცირე ბიზნესის გაზრდასა და განვითარებას. მნიშვნელიოვანია, რომ საერთაშორისო დონეზე ყველა ანიშნავს, იმ რეფორმებს რომელიც ქვეყანაში გატარდა, როგორც კორუფციასთან ბრძოლის წინააღმდეგ, ასევე საგადასახადო სისტემების დახვეწესთან დაკავშირებით. მნიშვვნერლოვანია რომ მსოფლიო ბანკი და IFC-ი ამ რეფორმებს აფასებენ საკმაოდ წარმატებულად. უფრო მეტიც, უნდათ რომ ეს რეფორმები სხვა ქვეყნებში დანერგონ და სწორედ ამიტომ ტარდება ასეთი დონის კონფერენცია საქართველოში"- აღნიშნა ნიკა გილაურმა.
პრემიერ-მინისტრის თქმით, კონფერენციის ფარგლებში ერთ-ერთი განსახილველი თემა ასევე ახალი საგადასახადო კოდექსი იქნება, სადაც ძირითადი აქცენტი მცირე და საშუალო ბიზნესის განვითარებაზე კეთდება.
"მიკრო და მცირე საწარმოები ეკონომიკური განვითარებისა და სამუშაო ადგილების შექმნის მთავარი მამოძრავებელი ძალაა. ჩვენი მიზანია, ისეთი სისტემების შექმნა, რომელიც სექტორის განვითარებას შეუწყობს ხელს, გაზრდის საგადასახადო შემოსავლებს და ისეთ პირობებს შექმნის, რომლითაც ყველა მოგებული დარჩება. საქართველომ მნიშვნელოვანი ნაბიჯები გადადგა, ამ მიმართულებით და ახლა კარგი შესაძლებლობაა მიეცა სხვებს გაუზიაროს ეს გამოცდილება"- განაცხადა IFC-ის წარმომადგენელმა კავკასიაში თომას ლუბეკმა.
აღსანიშნავია, რომ დღეს, სასტუმრო "თბილისი მარიოტში" საერთაშორისო კონფერენცია "საგადასახადო სისტემები მიკრო და მცირე საწარმოებისთვის"- გაიხსნა. კონფერენციაზე მიკრო და მცირე საწარმოებისთვის საგადასახადო სისტემების გამარტივებასა და ამ გზით კერძო სექტორის მხარდაჭერის საკითხებზე მსჯელობენ და მას ევროპისა და ცენტრალური აზიის 30-მდე ქვეყნის 70 წარმომადგენელი ესწრება. მათ შორის, ამ ქვეყნების ფინანსთა სამინისტროების მაღალი თანამდებობის პირები და საგადასახადო უწყებების უფროსები. ეს პირველი კონფერენციაა, რომელზედაც ამ რეგიონის ქვეყნების წარმომადგენლები საუკეთესო საერთაშორისო პრაქტიკაზე დაყრდნობით ახალ მიდგომებს შეიმუშავებენ და მიკრო და მცირე საწარმოებისთვის საგადასახადო სისტემების გაუმჯობესებისა და დახვეწის სფეროში საქართველოს მაგალითს გაიზიარებენ.
კონფერენციის ორგანიზოტორები არიან საერთაშორისო საფინანსო კორპორაცია (IFC), საქართველოს ფინანსთა სამინისტრო და ორგანიზაცია "საერთაშორისო დიალოგი საგადასახადო საკითხებზე"