დღეს, 4 მაისს, 10:30 საათზე, სასტუმრო "თბილისი მარიოტში" გაიხსენება საერთაშორისო კონფერენცია "საგადასახადო სისტემები მიკრო და მცირე საწარმოებისთვის". კონფერენციის ორგანიზოტორები არიან საერთაშორისო საფინანსო კორპორაცია (IFC), საქართველოს ფინანსთა სამინისტრო და ორგანიზაცია "საერთაშორისო დიალოგი საგადასახადო საკითხებზე" (International Tax Dialogue).
კონფერენციაზე მიკრო და მცირე საწარმოებისთვის საგადასახადო სისტემების გამარტივებასა და ამ გზით კერძო სექტორის მხარდაჭერის საკითხებზე იმსჯელებენ.
კონფერენციაზე ევროპისა და ცენტრალური აზიის 30-მდე ქვეყნის 70 წარმომადგენელი შეიკრიბება, მათ შორის, ამ ქვეყნების ფინანსთა სამინისტროების მაღალი თანამდებობის პირები და საგადასახადო უწყებების უფროსები. ეს პირველი კონფერენციაა, რომელზედაც ამ რეგიონის ქვეყნების წარმომადგენლები საუკეთესო საერთაშორისო პრაქტიკაზე დაყრდნობით ახალ მიდგომებს შეიმუშავებენ და მიკრო და მცირე საწარმოებისთვის საგადასახადო სისტემების გაუმჯობესებისა და დახვეწის სფეროში საქართველოს მაგალითს გაიზიარებენ.
კონფერენციას ფინანსური მხარდაჭერა ავსტრიის ფინანსთა სამინისტრომ და შვეიცარიის ეკონომიკურ საქმეთა სამდივნომ (SECO) გაუწია.