"პროკრედიტ ბანკმა" ლარის ანაბრებზე საპროცენტო განაკვეთები გაზარდა. ბანკის მენეჯმენტის ინფორმაციით, 29 აპრილიდან, ეროვნულ ვალუტაში დაზოგვის სტიმულირებისა და ხელშეწყობის მიზნით, "პროკრედიტ ბანკმა" ლარში დენომინირებულ ვადიანი ტიპის ანაბრებზე საპროცენტო განაკვეთი 2-3 პროცენტით აწია.
"პროკრედიტ ბანკი" კლიენტებს სხვადასხვა სახის ანაბარს სთავაზობს. მაქსიმალური ვადის მქონე ლარში დენომინირებული ვადიანი ანაბრის საპროცენტო სარგებელი ამჟამად 15%-ია.
"პროკრედიტ ბანკი", როგორც სოციალური პასუხისმგებლობის მქონე საბანკო დაწესებულება, დიდ ძალისხმევას ახმარს კლიენტებისა და ფართო საზოგადოებისთვის დაზოგვის მნიშვნელობის ახსნას. ბანკი საზოგადოებას განუმარტავს, რომ დაზოგვა მათი ოჯახების სტაბილური მომავლის საწინდარია და მოუწოდებს, დაიწყონ დაზოგვა და პასუხისმგებლობით განკარგონ საკუთარი ფინანსები.
"პროკრედიტ ბანკის" თანამშრომლები კლიენტებს უხსნიან, რომ დაზოგვა ფულის უფრო რაციონალურად განკარგვას უწყობს ხელს და ეხმარება მათ, ფინანსური მიზნები სესხის აღების გარეშე განახორციელონ, რითაც თავს აარიდებენ ვალებში ჩაფლობის რისკს. კლიენტებისათვის მარტივი და გამჭვირვალე ანაბრების შეთავაზებით ბანკი ამტკიცებს, რომ სულაც არაა აუცილებელი, ბევრი ფული გქონდეს, რომ დაზოგვა შეძლო, ამისთვის საკმარისია მცირე თანხის რეგულარულად გადადება. ახლახან პროკრედიტ ბანკმა კლიენტებისთვის საგანმანათლებლო სახის ბროშურა გამოსცა. სხვა საკითხებთან ერთად, ბროშურა შეიცავს მნიშვნელოვან და სასარგებლო ინფორმაციას დაზოგვის შესახებ და მკითხველს განუმარტავს, როგორ შეარჩიონ ყველაზე შესაფერისი ანაბარი.
