ტყის გრძელვადიანი სარგებლობის ლიცენზიის მფლობელის მიერ ჩატარებულ ტყის ინვენტარიზაციას, სავარაუდოდ, ენერგეტიკისა და ბუნებრივი რესურსების სამინისტრო გადამოწმებს.
როგორც ჟურნალისტებს ენერგეტიკისა და ბუნებრივი რესურსების მინისტრის მოადგილემ ნინო ენუქიძემ განუმარტა, ამ ეტაპზე სამინისტრო ცდილობს კანონის დონეზე "ტყის გარეთ ურთიერთობები დაარეგულიროს, რათა ტყის უკანონო ჭრა შეწყდეს".
მისი თქმით, სახელმწიფოსა და ინვესტორს შორის ტყის შიგნით ურთიერთობებზე სამინისტრო მუშაობს და მომავალში პარლამენტს საკანონმდებლო ინიციატივით წარუდგენს.
რაც შეეხება ტყის ინვენტარიზაციას, ენუქიძეს განმარტავს, რომ მომავალშიც ამას ლიცენზიის მფლობელი განახორციელებს, თუმცა იგი არ გამორიცხავს, რომ მისი გადამოწმება სამინისტროს მხრიდან მოხდეს.