თურქეთის ტურისტულ ობიექტებზე ფასების ზრდის მიუხედავად, აზერბაიჯანის სადაზღვევო კომპანიები საზღვარგარეთ წამსვლელი ტურისტებისთვის ფასების ზრდას არ განიხილავენ.
როგორც აზერბაიჯანული სადაზღვევო კომპანია Alfa Sigorta-ს დირექტორთა საბჭოს თავმჯდომარემ ხაიალ მამედხანლიმ განაცხადა, თურქეთის ტურისტულ ობიექტებზე ფასების ზრდა სადაზღვევო თანხებზე არ ასახულა.
"დღესდღეობით ეს საკითხი არ განიხილება, რადგან ფასების ზრდა თურქეთში მომსახურებისა და საწვავზე ფასების ზრდით აიხსნება. იმ შემთხვევაში, თუ თურქეთის სამედიცინო დაწესებულებებშიც გაიზრდება ფასები, აზერბაიჯანული კომპანიები იძულებულნი გახდებიან დაზვევის ამ სახეობაზე ტარიფები შესაბამისად გაზარდონ",_აღნიშნა მამედხანლიმ.
მისი თქმით, დღესდღეობით ტურისტის დაზღვევის საშუალო ღირებულება დღე-ღამის განმავლობაში ერთ მანათს შეადგენს.
ცნობისთვის, დღესდღეობით თურქეთში ტურისტული მომსახურება 120 %-ით გაძვირდა. თურქული სასტუმროების მფლობელებმა კი ფასები 20%-ით გაზარდეს. ეს იმითაა განპირობებული, რომ არაბულ ქვეყნებში კრიზისული ვითარების გამო წლეულს ზაფხულის სეზონზე თურქეთში ტურისტების უზარმაზარ ნაკადს ელიან. 300-იდან 600 მანათამდე გაძვირებულია ანტალიის პირდაპირი რეისებიც. ყველაფერმა ამან კი ტურისტულ საგზურებზე ფასების სერიოზული ზრდა განაპირობა.