სს "საქართველოს ბანკი" სიმინდის წარმოებისთვის აგროსესხების და გარანტიების გასცემს. "საქართველოს ბანკის" ინფორმაციით, ბანკი "სიმინდის წარმოების ხელშეწყობის პროგრამაში" ჩაერთო და შეიქმნა საბანკო პროდუქტი, სპეციალურად პროგრამის მონაწილეთათვის.
საბანკო პროდუქტი ითვალისწინებს, სიმინდის წარმოების მიმდინარე ხარჯების დაფინანსებას გარანტიითა და აგროსესხით. გარანტია გაიცემა სიმინდის სათესლე მასალის და სასუქების მომწოდებლებზე, ხოლო სესხი გაიცემა სიმინდის წარმოების, საოპერაციო ხარჯების დაფინანსებისთვის. "საქართველოს ბანკის" ეს პროდუქტი, იოლად ხელმისაწვდომია, რაც ფერმერს საშუალებას აძლევს, გაწიოს ყველა აუცილებელი დანახარჯი, კარგი მოსავალის მისაღებად.
პროდუქტით სარგებლობა შეუძლია საქართველოს ყველა მოქალაქე/რეზიდენტ ფიზიკურ და იურიდიულ პირს. "საქართველოს ბანკის" სიმინდის წარმოების ხელშეწყობის პროგრამის ფარგლებში, სესხის დამტკიცება ხდება მარტივად, მხოლოდ განაცხადის შევსების საფუძველზე. ლიმიტის მოცულობა შეადგენს 1000 ლარამდე ერთ ჰექტარ, მიწის ნაკვეთზე. სესხის ვადა მაქსიმუმ 12 თვეა, ხოლო გარანტიის ვადა მაქსიმუმ 8 თვე. სესხის დაფარვა შესაძლებელია არასტანდარტული გრაფიკით, რაც გულისხმობს საშეღავათო პერიოდს, სესხის ვადის ბოლომდე. სესხის და გარანტიის განაცხადის შევსება შესაძლებელია "საქართველოს ბანკის" ყველა რეგიონალურ ოფისში, ასევე საქართველოს აგრარული კორპორაციის რეგიონალურ სერვისცენტრებში.
"საქართველოს ბანკი" მომავალშიც გეგმავს ანალოგიური პროდუქტი და სესხის დამტკიცების მარტივი პროცედურა მოარგოს საქართველოში გავრცელებულ და განვითარებულ ყველა აგრარულ პროდუქტს.
