მთავრობა მესტიის რეაბილიტაციის მორიგ რაუნდს იწყებს. დაბა მესტიის ლანჩვალის უბანში ისტორიული კოშკებისა და ძეგლების რეაბილიტაციისათვის, რეგიონებში განსახორციელებელი პროექტების ფონდიდან 1,3 მლნ. ლარი გამოიყოფა.
გასულ წელს, მესტიაში ტურისტული ინფრასტრუქტურის სერიოზული რეაბილიტაცია-მშენებლობა განხორციელდა. გაიხსნა თამარ მეფის სახელობის აეროპორტი.
ტურიზმის ეროვნული სააგენტოს ინფორმაციით, მესტიაში ამ დროისათვის 3 სასტუმრო და 49 "გესტჰაუსი ფუქნციონირებს. რაც შეეხება უშგულს, იქ 9 "გესტჰაუსი" ფუნქციონირებს, რომლებიც 71 ადგილზეა გათვლილი. მესტიაში მოქმედებს სასტუმროებთან არსებული 3 რესტორანი.
