ლიზინგით გადაცემული ქონება დამატებითი ღირებულების გადასახადისაგან განთავისუფლდება, ამის შესახებ ცვლილება საგადასახადო კოდექსში შედის.
კანონპროექტის თანახმად, სახელმწიფოს საკუთრებაში მიქცეული და რეალიზებული ქონების გადაცემის ანალოგიურად, ლიზინგის ფორმით გადაცემული (მიწოდებული) ქონებაც დამატებითი ღირებულების გადასხადისაგან თავისუფლდება.
კოდექსში შესატანი ცვლილების მიხედვით, ტერმინი, „ჩამორთმეული საქონელი", იცვლება ტერმინით „სახელმწიფოს საკუთრებაში მიქცეული ქონება".
კანონპროექტის განმარტებით ბარათში ნათქვამია, რომ კანონპროექტის მიღების მიზეზს წარმოადგენს სახელმწიფოს საკუთრებაში მიქცეული ქონების ლიზინგის ფორმით გადაცემასთან დაკავშირებული საკითხების რეგულირება.