ცნობილი ესპანური ბრენდების "ZARA"-სა და "Massimo Dutti" მფლობელი, მსოფლიოში ერთ-ერთი უმსხვილსსი სავაჭრო ჯგუფი "ინდიტექი" საქართველოში შემოდის.
ესპანეთში ოფიციალურ ვიზიტად მყოფმა საქართველოს ეკონომიკისა და მდგრადი განვითარების მინისტრმა ვერა ქობალიამ, "ინდიტექის" ხელმძღვანელობას საქართველოში ბიზნესის დაწყება და კოპიტნარის აეროპორტის მახლობლად, ლოჯისტიკური ცენტრის მშენებლობა შესთავაზა.
როგორც ქობალიამ განმარტა, უახლოეს ხანებში, "ინდიტექსი" საქართველოში ანალიტიკურ ჯგუფს გამოგზავნის, რათა ქვეყნის ბიზნესგარემოს ადგილზე გაეცნოს და ამის შემდეგ მიიღოს კონკრეტული გადაწყვეტილება.
მინისტრის განცხადებით, 2011 წლის ბოლომდე თბილისში "ZARA"-ს პირველი მაღაზიაც გაიხსნება.
"ჩვენ მათ შევთავაზეთ, ზუსტად კოპიტნარის აეროპორტთან თავისი ლოჯისტიკური ცენტრი, შექმნან. "ინდიტექის" ხელმძღვანელობა პროექტით დაინტერესდა და შემდგომი ეტაპი იქნება, რომ "ინდიტექის" ანალიტიკური ჯგუფი საქართველოში ჩამოვა, რათა ადგილზე განიხილონ თუ რა პირობებია საქართველოში. პირველი მაღაზია თბილისში წლის ბოლომდე გაიზსნება"- განაცხადავერა ქობალიამ.
"ინდიტექი" მსოფლიოში 5000 ზე მეტი მაღაზია აქვს გახსნილი. აღსანიშნავია, რომ "ZARA"-ს პროდუქცია საქართველოში უკვე იკერება. ქართულ-თურქული სამკერვალო საწარმო "ჯორჯიან კარსამ" უმსხვილესი ესპანური ბრენდის "ZARA"-ს რამდენიმე შეკვეთა უკვე შეასრულა.
"ZARA" ტანსაცმლის საყოველთაოდ ცნობილი ბრენდია, რომელიც ეკუთვნის მოდური ტანსაცმლის მსოფლიოში ერთ-ერთ უმსხვილეს დისტრიბუტორ კომპანია "ინდიტექსს".
"ZARA"-ს დამაარსებელმა ამანსიო ორტეგა გაონამ პირველი მაღაზია გახსნა 1975 წელს, რასაც მოჰყვა დიდი წარმატება და წარმოიქმნა მაღაზიათა ქსელი. "ZARA" ახორციელებს თავისი პროდუქციის გავრცელებას მაღაზიების საკუთარი ქსელის მეშვეობით. მაღაზიები, როგორც წესი, განთავსებულია ქალაქის ყველაზე ცოცხალ სავაჭრო ნაწილებში.
კომპანია მიიჩნევს, რომ მისი მაღაზიები მისთვის საუკეთესო რეკლამაა. ამიტომ მაღაზიის დიზაინსა და არქიტექტურას ექცევა ძალიან დიდი ყურადღება საიმისოდ რათა შეიქმნას განუმეორებელი, თბილი და კაშკაშა ინტერიერი. კოლექციის განთავსება მაღაზიაში ხდება მიმდინარე სეზონის ტენდენციების გათვალისწინებით და ამასთანავე ისე, რომ გამოიყოს ყოველი კვირის სიახლეები.