თბილისსა და მოსკოვს შორის ვაჭრობის მსოფლიო ორგანიზაციაში რუსეთის გაწევრიანების საკითხზე მოლაპარაკებათა მორიგი რაუნდი 28-29 აპრილს გაიმართება.
მხარეები ამჯერადაც შვეიცარიის დედაქალაქ ბერნში შეიკრიბებიან.
აღნიშნულ საკითხზე მოლაპარაკებების დაწყების წინადადებით საქართველოს თავად რუსულმა მხარემ მიმართა. პირველი რაუნდი მარტის შუა რიცხვებში გაიმართა, თუმცა მოლაპარაკებების დეტალები არ ხმაურდება. ცნობილია, მხოლოდ ის, რომ თბილისი ვმო-ში რუსეთის გაწევრიანების თანხმობის სანაცვლოდ რამდენიმე წინაპირობას უყენებს.