საქართველო და მსოფლიო ტურიზმის ორგანიზაცია ერთობლივი პროექტს განახორციელებენ. მადრიდში, გაეროს მსოფლიო ტურიზმის ორგანიზაციის გენერალურ მდივანი საქართველოს ეკონომიკისა და მდგრადი განვითარების მინისტრს შეხვდა. მხარეებმა საქართველოს ტურიზმის სექტორში არსებულ მდგომარეობასა და შემდგომი განვითარების შესაძლებლობებზე ისაუბრეს.
თალებ რიფაიმ ვერა ქობალიას ერთობლივი პროექტების განხორციელება შესთავაზა, რომელიც ქართველ სპეციალისტებს კვალიფიკაციის ამაღლებაში დაეხმარება.
ვერა ქობალიასა და თალებ რიფაის შეხვედრის შემდეგ ცნობილი გახდა, რომ
2011-2012 წლებში საქართველოში მსოფლიო ტურიზმის ორგანიზაციის ეგიდით რამდენიმე რეგიონული და საერთაშორისო მნიშვნელობის ფორუმი და სემინარი ჩატარდება.
"2012 წელს, საქართველოში მსოფლიო მასშტაბის კონფერენციის ჩატარებას ვგეგმავთ. შეხვედრაზე ვისაუბრეთ ასევე, ჩვენი სტუდენტების ტრენინგების ჩატარებასა და ტრენინგების გაგრძელებაზე, როგორც ესპანეთში, ისე გაეროს ტურიზმის ორგანიზაციაში", - განაცხადა ვერა ქობალიამ.