საქართველოს ეკონომიკისა და მდგრადი განვითარების მინისტრი, 5 მაისს, თურქეთში დაგეგმილ სტამბულის მოდური ტანსაცმლის მე-4 კონფერენცია-გამოფენაში მიიღებს მონაწილეობას.
გამოფენაზე დაგეგმილია ასევე ვერა ქობალიას სიტყვით გამოსვლა, სადაც ეკონომიკისა და მგრადი განვითარების მინისტრი საქართველოს, როგორც აღნიშნულ სფეროში მიმზიდველი ქვეყნის შესახებ ისაუბრებს. ვერა ქობალია შეეცდება, თურქეთში მოღვაწე საერთაშორისო ბრენდების წარმომადგენლობები, საქართველოში ინვესტირებით, დააინტერესოს.
კონფერენციაზე ძირითადი მომხსენებლები იქნებიან ასევე თურქეთის მთავრობის და მოდის სამყაროს წამყვანი ბრენდების წარმომადგენლები, როგორიც არის Ralph Lauren, Ermenegildo Zegna და სხვა.
სტამბულის მე-4 მოდური ტანსაცმლის კონფერენცია-გამოფენის ორგანიზატორი თურქეთის ტანსაცმლის მწარმოებელი
ასოციაციაა (TCMA) და გამოფენაში 400-მდე ტექსტილისა და ტანსაცმლის მწარმოებელი კომპანია მიიღებს მონაწილეობას.