აზერბაიჯანი და უკრაინა ერთმანეთის სუვერენიტეტსა და ტერიტორიულ მთლიანობას ყველა საერთაშორისო ორგანიზაციაში მხარს უჭერენ და ეს მომავალშიც გაგრძელდება, - ამის შესახებ აზერბაიჯანის პრეზიდენტმა, ილჰამ ალიევმა განაცხადა.
„მახსოვს ჩემი ვიზიტი კიევში 2022 წლის იანვარში. თქვენთან [ვოლოდიმირ ზელენსკისთან] გამართული აზრთა გაცვლა და შემდგომი კონტაქტები მუდმივად აყენებდა უკრაინა-აზერბაიჯანის ურთიერთობებს მაღალ დონეზე. ჩვენს თანამშრომლობას ძალიან ძლიერი პოლიტიკური საფუძველი აქვს,“ - განაცხადა ზელენსკიმ.
ალიევის თქმით, მხარეებს შორის შედგა აზრთა გაცვლა სამხედრო-ტექნიკური თანამშრომლობის საკითხებზე და ამ მიმართულებითაც ძალიან დიდი პერსპექტივები არსებობს.
„როგორც აზერბაიჯანში, ისე უკრაინაში ვითარდება სამხედრო-სამრეწველო კომპლექსი და არსებობს შესანიშნავი შესაძლებლობები ერთობლივი წარმოებისთვის, ზოგადად კი — სამრეწველო სფეროში თანამშრომლობისთვის“, — აღნიშნა ალიებმა
