გაეროს უშიშორების საბჭომ მიიღო რეზოლუცია, რომლითაც მხარი დაუჭირა აშშ-ის პრეზიდენტ დონალდ ტრამპის სამშვიდობო გეგმას ღაზის სექტორთან დაკავშირებით.
17 ნოემბერს გამართულ სხდომაზე, უშიშროების საბჭოს 15 წევრიდან 13-მა მხარი დაუჭირა ვაშინგტონის წინადადებას. რუსეთმა და ჩინეთმა თავი შეიკავეს.
გეგმა ითვალისწინებს საერთაშორისო ძალების შემნას ღაზის სექტორის სტაბილიზაციისა და რადიკალური ისლამისტური მოძრაობა „ჰამასის“ განიარაღების მიზნით. "ჰამასი" ევროკავშირის, გაერთიანებული სამეფოსა და შეერთებული შტატების მიერ ტერორისტული ორგანიზაციად არის მიჩნეული.
გეგმა ასევე ითვალისწინებს პალესტინის გარდამავალი ხელისუფლების შექმნას.
ისრაელმა გააკრიტიკა რეზოლუციის ნაწილი, სადაც საუბარია პალესტინელი ხალხის თვითგამორკვევისა და პალესტინის სახელმწიფოს შექმნის შესაძლებლობაზე.
რეზოლუციის მიღება, მიიჩნევა, რომ გარღვევაა გაეროს უშიშროების საბჭოსთვის, რადგან მისი წევრები ბოლო წლების განმავლობაში პოლარიზებულ პოზიციებს ინარჩუნებდნენ.
მედიის ინფორმაციით, ეს კენჭისყრა სიგნალია იმისა, რომ ახლო აღმოსავლეთის სამშვიდობი პროცესი სულ უფრო მეტ საერთაშორისო მხარდაჭერას იძენს.
რეზოლუცია გააკრიტიკა "ჰამასმაც". რადიკალური მოძრაობის განცხადებით, ღაზის სექტორიში საერთაშორისო ძალების განთავსება და მათთვის "ჰამასის" განიარაღების ფუნქციის მინიჭება, "ართმევს მათ ნეიტრალიტეტს და კონფლიქტის მხარედ აქცევს".
რეზოლუციის კენჭისყრამდე, მის მიმართ მხარდაჭერა გამოხატეს "დიდი შვიდეულის" ქვეყნებმა და ვაშინგტონის მოკავშირეებმა: კატარმა, ეგვიპტემ, არაბთა გაერთიანებულმა საამიროებმა, საუდის არაბეთმა, ინდონეზიამ, პაკისტანმა, იორდანიამ და თურქეთმა.
გაეროს უშიშროების საბჭოს მიერ რეზოლუციის მხარდაჭერას მიესალმა შეერთებული შტატების პრეზიდენტი დონალდ ტრამპი.
ტრამპის თქმით, რეზოლუციის საფუძველზე შეიქმნება მშვიდობის საბჭო, რომელსაც თავად ჩაუდგება სათავეში.
"საბჭოს შემადგენლობაში შევლენ მსოფლიოს ყველაზე გავლენიანი და პატივცემული ლიდერები", - დაწერა ტრამპმა სოციალურ ქსელში.
თეთრმა სახლმა მადლობა გადაუხადა გაეროს უშიშროების საბჭოს ქვეყნებს, მათ შორის რუსეთს და ჩინეთს. ტრამპის თქმით, მშვიდობის საბჭოს წევრების ვინაობა მომდევნო კვირებში გახდება ცნობილი.
