რუსეთის საგარეო საქმეთა მინისტრმა სერგეი ლავროვმა აშშ-ის სახელმწიფო მდივან მარკო რუბიოსთან პირისპირ შეხვედრის მზადყოფნა გამოთქვა, თუმცა წინასწარ განაცხადა, რომ კრემლი უკრაინის წინააღმდეგ ომის დასრულების ძირითად პირობებზე უარს არ იტყვის. იუწყება Reuters
„სახელმწიფო მდივან მარკო რუბიოსთან ერთად გვესმის რეგულარული კომუნიკაციის აუცილებლობა“, - თქვა ლავროვმა.
მან დასძინა, რომ ეს „მნიშვნელოვანია უკრაინის საკითხის განხილვისა და ორმხრივი დღის წესრიგის წინსვლისთვის“.
„სწორედ ამიტომ ვურთიერთობთ ტელეფონით და მზად ვართ, საჭიროების შემთხვევაში, პირისპირ შეხვედრებიც გავმართოთ“, - განაცხადა ლავროვმა.
ლავროვმა ასევე განაცხადა, რომ პუტინსა და ტრამპს შორის 15 აგვისტოს ალასკაში მიღწეული „შეთანხმებები“ ეფუძნებოდა ვლადიმირ პუტინის მიერ 2024 წლის ივნისში წაყენებულ მოთხოვნებს და ტრამპის სპეციალური წარმომადგენლის, სტივ უიტკოფის იდეებს.
შეგახსენებთ, ეს იდეებია: უკრაინის მიერ ნატო-ს წევრობაზე უარის თქმა; უკრაინის შეიარაღებული ძალების გაყვანას ოთხი რეგიონიდან, რომელთა ხელში ჩაგდებაც კრემლს სურს: დონეცკიდან და ლუჰანსკიდან, ასევე ხერსონიდან და ზაპოროჟიედან.
„ახლა ჩვენ ველოდებით შეერთებული შტატებისგან დადასტურებას, რომ ალასკაში მიღწეული შეთანხმებები ძალაში რჩება“, - განაცხადა ლავროვმა.
გაყინული რუსული აქტივებზე კომენტირებისას, ლავროვმა განაცხადა, რომ ამ აქტივების ჩამორთმევის სამართლებრივი გზა არ არსებობს და თუ მათი ჩამორთმევა მოხდება, რუსეთი საპასუხო ზომებს მიიღებს.
