ლიეტუვის შეიარაღებული ძალების ცნობით, ხუთშაბათს, კალინინგრადის რეგიონიდან ორი რუსული თვითმფრინავი ქვეყნის საჰაერო სივრცეში შეიჭრა.
ინციდენტი დაახლოებით საღამოს 18:00 საათზე მოხდა, როდესაც ლიეტუვის საჰაერო ძალებმა ქალაქ კიბარტაისთან სახელმწიფო საზღვრის დარღვევა დააფიქსირეს.
„რუსული სუ-30 ტიპის თვითმფრინავი, რომელიც, სავარაუდოდ, კალინინგრადის რეგიონში საწვავის შევსების წვრთნას ატარებდა, და ილ-78 ტიპის თვითმფრინავი, რომელიც საწვავით შევსებას ახორციელებდა, ლიეტუვის ტერიტორიაზე დაახლოებით 700 მეტრით შეფრინდნენ და დაახლოებით 18-წამიანი ყოფნის შემდეგ ლიეტუვის საჰაერო სივრცე დატოვეს“, - ნათქვამია განცხადებაში.
ინციდენტის საპასუხოდ, ესპანეთის საჰაერო ძალების Eurofighter Typhoon-ის ტიპის ორი გამანადგურებელი, რომლებიც ნატო-ს საჰაერო საპატრულო მისიას ასრულებდა, ჰაერში აფრინდა.
