უკრაინის პრეზიდენტმა ვოლოდიმირ ზელენსკიმ ბრიუსლეში გამართულ პრესკონფერენციაზე განაცხადა, რომ ჩინეთი არ არის დაინტერესებული უკრაინის გამარჯვებით და რუსეთის დამარცხებით.
„ჩინეთი ნამდვილად რთული საკითხია. ჩვენ არ გვაქვს მუდმივი დიალოგი სი ძინპინთან. ჩვენ გვქონდა რამდენიმე სატელეფონო საუბარი და მან მითხრა, რომ იარაღს არ გაყიდის და მე ნამდვილად არ ვიცი იარაღის პაკეტების შესახებ, მაგრამ ერთი რამ ვიცი: ჩინეთი ეხმარება რუსეთს, არ ეხმარება უკრაინას და არ არის დაინტერესებული ჩვენი გამარჯვებით და რუსეთის დამარცხებით,“ - განაცხადა ზელენსკიმ.
ზელენსკიმ დასძინა, რომ ჩინეთი ასევე არ არის დაინტერესებული სუსტი რუსეთით.
ჩინეთმა ხუთშაბათს განაცხადა, რომ ეწინააღმდეგება აშშ-ის მიერ რუსეთის ორი უმსხვილესი ნავთობკომპანიის წინააღმდეგ დაწესებულ სანქციებს და აღნიშნა, რომ მათ „საერთაშორისო სამართალში არანაირი საფუძველი“ არ გააჩნია.
