აშშ-ის პრეზიდენტმა დონალდ ტრამპმა ვლადიმირ პუტინთან სატელეფონო საუბრის დროს არ გამორიცხა უკრაინაში Tomahawk -ის ტიპის შორი მოქმედების ფრთოსანი რაკეტების გაგზავნის შესაძლებლობა. ამის შესახებ CNN საუბართან წყაროებზე დაყრდნობით იუწყება.
ამავდროულად, ორმა წყარომ გამოცემას განუცხადა, რომ არ არის მოსალოდნელი, რომ ტრამპი დათანხმდება ამერიკული იარაღის მიწოდებას უკრაინის პრეზიდენტ ვოლოდიმირ ზელენსკისთან პარასკევს, 17 ოქტომბერს, თეთრ სახლში შეხვედრის დროს.
თუმცა, მათ ასევე აღნიშნეს, რომ სიტუაცია ყოველთვის შეიძლება შეიცვალოს, როდესაც პრეზიდენტი უკრაინელებთან მარტო დარჩება.
აშშ-ის ოფიციალური პირების თქმით, ბოლო კვირების განმავლობაში აშშ-ის პრეზიდენტმა, როგორც საჯაროდ, ასევე პირად საუბრებში, უფრო მეტი მზადყოფნა გამოავლინა, რათა უკრაინას შორ მანძილზე მოქმედი რაკეტები გადაეცა.
გარდა ამისა, გამოცემა აღნიშნავს,რომ ტრამპის ადმინისტრაციას მომზადებული აქვს გეგმები უკრაინისთვის იარაღის მიწოდების შესახებ, იმ შემთხვევაში, თუ ტრამპი ამის ბრძანებას გასცემს.
ისინი ხაზს უსვამენ, რომ ამერიკის ლიდერს ამის გაკეთება ნებისმიერ დროს შეუძლია, თუ საჭიროდ მიიჩნევს.
ოფიციალური პირების თქმით, ტრამპი თავს იკავებდა გადაწყვეტილების მიღებისგან, რადგან იმედოვნებს, რომ დღეს დაგეგმილ შეხვედრაზე უკრაინის პრეზიდენტ ვოლოდიმირ ზელენსკისგან გაიგებს, თუ ზუსტად როგორ გეგმავს ის რაკეტების გამოყენებას.
