ვლადიმირ პუტინი მზად არ არის ამ ომის დასასრულებლად, მაგრამ აშშ-ს დახმარებით მისი შეჩერება შესაძლებელია. რუსები ბრძოლის ველზე წარმატებას ვერ აღწევენ. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
„კიდევ ერთხელ გილოცავთ ახლო აღმოსავლეთში წარმატებულ ცეცხლის შეწყვეტას... მე ვფიქრობ, რომ ეს არის იმპულსი რუსეთის მიერ უკრაინის წინააღმდეგ ომის დასრულებისთვის.
მე ვფიქრობ, რომ - დიახ, ჩვენ გვესმის, რომ პუტინი მზად არ არის - მე ვფიქრობ, რომ ის მზად არ არის, მაგრამ დარწმუნებული ვარ, რომ თქვენი დახმარებით ჩვენ შეგვიძლია ამ ომის შეჩერება. და ეს ჩვენ ნამდვილად გვჭირდება.
„ჩვენ ვხედავთ, რომ ისინი ბრძოლის ველზე წარმატებას ვერ აღწევენ და ეს კარგია“, - განაცხადა ზელენსკიმ აშშ-ის პრეზიდენტ დონალდ ტრამპთან შეხვედრის დაწყებამდე.
უკრაინის პრეზიდენტმა აღნიშნა, რომ რუსული არმია მძიმე დანაკარგებს განიცდის, რუსეთი კი ასევე დიდ დანაკარგებს განიცდის ეკონომიკის მიმართულებით.
მან მადლობა გადაუხადა ტრამპს მსხვილ ამერიკულ ენერგეტიკულ კომპანიებთან, ასევე სამხედრო-ტექნიკურ კომპანიებთან შეხვედრის შესაძლებლობისთვის.
„ჩვენ ვისაუბრეთ საჰაერო თავდაცვაზე და მინდა გაგიზიაროთ დეტალები, თუ სად ვართ ახლა“, - განაცხადა ზელენსკიმ ტრამპისადმი მიმართვისას.
