ტირძნისიდან გადაცებული ქართველი ბანშვები სახლებს უახლოეს დღეებში დაუბრუნდებიან. ამის შესახებ თბილისის აეროპორტში ადამიანის უფლებათა დაცვის საკითხებში ევროსაბჭოს კომისარი თომას ჰამერბერგმა განაცხადა.
"სტრასბურგში გატაცებული ბავშვების საკითხზე ბევრი ვიმუშავე, ვაპირებ ამ საკითხზე შევხვდე და ვესაუბრო საქართველოს მთავრობის წარმომადგენლებსაც. იმედი მაქვს, დაკავებული ბავშვები სახლებს უახლოეს დღეებში დაუბრუნდებიან", - განაცხადა თომას ჰამერბერგმა.
ჰამერბერგმა პასუხი გასცა ქართველი დეპუტატების კრიტიკას და აღნიშნა, რომ დეპუტატები მისი მუშაობის შესახებ არასწორად არიან ინფორმირებულნი.
„თუ ვინმეს აწუხებს ეჭვი ჩემს ობიექტურობასთან დაკავშირებით, ვურჩევ გაეცნოს ჩემს მოხსენებებს ჩრდილოკავკასიაში არსებულ ვითარებასთან დაკავშირებით", - განაცხადა თომას ჰამერბერგმა.
ჩრდილოეთ კავკასიის რეგიონში არსებულ ვითარებასთან დაკავშირებით ადამიანის უფელბათა ევროსაბჭოს კომისრის თომას ჰამერბერგის მოხსენებაში აღნიშნულია, რომ რეგიონში შენარჩუნებულია უკანონობა და აღინიშნება არალეგალური შეიარაღებული დაჯგუფებების აქტივობის ზრდა.
ევროკომისარი აცხადებს, რომ დაკარგული და მოკლული ადამიანების საქმეებზე გამოძიება არასაკმარისად მიმდინარეობს.
ჰამერბერგი მიიჩნევს, რომ ხელისუფლება(რუსეთის) ვალდებულია არა მხოლდ დაიცვას მოსახლეობა ტერორისგან და არალეგალური შეიარაღებული დაჯგუფებების მოქმედებებისგან, არამედ უნდა უზრუნველყოს ადამიანის უფლებათა სრული დაცვა. განსაკუთრებით ანტიტერორისტული ღონისძიებების მსვლელობისას.
"ტერორზიმთან ბრძოლას არ უნდა მივყავდეთ წამებასთან და დაკავებულთა გაუსაძლის მდგომარეობაში ყოფნასთან. ადამიანის უფლებები ზუსტად უნდა იყოს დაცული ტერორისტულ საქმიანობასთან დაკავშირებული ეჭვმიტანილი ადამიანების დაკავებისას", - აცხადებს ჰამერბერგი.
იგი მიიჩნევს, რომ დაკავებულთა ადგილსამყოფელი უნდა ექვემდებარებოდეს დამოუკიდებელ კონტროლს და უზრუნველყოფილი უნდა იყოს სამართლიანი სასამართლოთი.
შეგახსენებთ, რომ ჰამერბერგს ბავშვების დაკავებასთან დაკავშირებით ოფიციალური განცხადება დღემდე არ გაუკეთებია, რის გამოც ქართველმა დეპუტატებმა ის მიკერძოებულობაში დაადანაშაულეს.
სოფელ ტირძნისიდან 4 მოზარდი საოკუპაციო რეჟიმის წარმომადგენლებმა 4 ნოემბერს გაიტაცეს. მათ ე. წ. საზღვრის უკანონოდ გადაკვეთისა და ასაფეთქებელი ნივთიერების შენახვის ბრალდებით ორთვიანი წინასწარი პატიმრობა შეუფარდეს.
ევროსაბჭოს ადამიანის უფლებათა დაცვის უმაღლესი კომისარი თომას ჰამარბერგი სეპარატისტულ სამხრეთ ოსეთს 1-ელ დეკემბერს ეწვევა.
თომას ჰამერბერგი საქართველოში 4 დეკემბრამდე დარჩება.
