რუსეთის საგარეო საქმეთა მინისტრმა, სერგეი ლავროვმა, მოლდოვაში გამართულ საპარლამენტო არჩევნებს „გაყალბებული“ უწოდა და გაკვირვება გამოთქვა იმის გამო, თუ როგორ შეიძლებოდა ხმების ასე გაყალბება არჩევნების პროცესში.
„არჩევნები გაყალბებულია. გაოგნებული ვარ, როგორ შეიძლება ამომრჩეველთა ხმების ასე ღიად მანიპულირება... ამ მანიპულაციების მიუხედავად, პატრიოტულმა ორგანიზაციამ... მოლდოვაში მეტი ხმა მიიღო, ვიდრე [პრეზიდენტ] მაია სანდუს პარტიამ... ყველა მაქინაციის მიუხედავად, შედეგი მაინც ძალიან მანიშნებელია; ასეთი თაღლითური მეთოდებითაც კი, ისინი დიდად კარგად ვერ მუშაობენ“, - განუცხადა ლავროვმა ჟურნალისტებს.
2025 წლის მოლდოვის საპარლამენტო არჩევნებში მაია სანდუს პროევროპულმა პარტიამ გაიმარჯვა.ხმების 100%-ის დათვლის შემდეგ პრეზიდენტის პარტიამ ხმების 50.20% მოაგროვა. და პარლამენტში 101 ადგილიდან 55-ს მიიღებს.
