საქართველო ჩამოდგა რუსთაველზე საქართველოს გადასარჩენად. რუსეთში ვერ დაგვაბრუნებენ, გამორიცხულია“, – ამის შესახებ პარტია „კანონი და სამართალის“ ლიდერმა, თაკო ჩარკვიანმა რუსთაველის გამზირზე განაცხადა, სადაც „უცხოური გავლენის გამჭვირვალობის შესახებ“ კანონპროექტის წინააღმდეგ საპროტესტო აქცია მიმდინარეობს.
„პრაქტიკულად რეფერენდუმია, მე თამამი ვარ, რადგან გამოკითხვებიც ვნახე, ვგულისხმობ, მონიტორინგი როცა ტარდება ხოლმე, მონაკვეთური, მსგავსი არ ახსოვს ამ ქალაქს. ეს არის პრაქტიკულად ჩატარებული რეფერენდუმი. საქართველო ჩამოდგა რუსთაველზე საქართველოს გადასარჩენად. რუსეთში ვერ დაგვაბრუნებენ, გამორიცხულია“, – განაცხადა თაკო ჩარკვიანმა.
