სომხეთის პარლამენტის ვიცე-სპიკერმა აკოფ არშაკიანმა განაცხადა, რომ ერევანი არ დააკავებს რუსეთის პრეზიდენტს ვლადიმირ პუტინს სოხეთში ვიზიტის შემთხვევაში. ამის შესახებ მან „არმენპრესთან“ ინტერვიუში განაცხადა.
ვიცე-სპიკერმა აღნიშნა, რომ ქვეყნის მთავრობამ რომის სტატუტთან შეერთების გადაწყვეტილება 2022 წლის დეკენბერში მიიღო „სომხეთის სუვერენული ტერიტორიების მიმართ აზერბაიჯანის აგრესიის“ პასუხად.
„2022 წლის დეკემბერში სომხეთის მთავრობა ვერ იწინასწარმეტყველებდა სისხლის სამართლის საერთაშორისო სასამართლოს კონკრეტულ გადაწყვეტილებას, რომელიც მან მარტში მიიღო“, - განაცხადა არშაკიანმა.
ამასთან, მან განმარტა, რომ მმართველ პარტიას და გუნდს არ აქვს განზრახვა ან სურვილი დააპატიმროს პუტინი სომხეთში ვიზიტის შემთხვევაში.
„ჯერ კიდევ დღეს გავაფორმეთ ხელშეკრულება სხვა ქვეყანასთან, რომლის თანახმად, რომის სტატუტი ვერ მოახდენს გავლენას ჩვენს ორმხრივ შეთანხმებაზე, ასეთი რეგულირება შესაძლებელია რუსეთთანც. მაგრამ ეს მხოლოდ ერთ-ერთი ვარიანტია, არსებობს სხვა ვარიანტებიც“, - განაცხადა არშაკიანმა.
„ერთი რამ ცხადია: ჩვენ მოვისმინეთ შეშფოთება რუსეთის ფედერაციის მხრიდან და ვფიქრობ, რომ შესაძლებელია მივაღწიოთ შემდგომი პროცესის უზრუნველყოფას რომის სტატუტთან დაკავშირებით, ისე, რომ ზიანი არ მიადგეს სომხეთსა და რუსეთს შორის სტრატეგიულ ურთიერთობას“, - განაცხადა ვიცე-სპიკერმა.
24 მარტს სომხეთის საკონსტიტუციო სასამართლოს თავმჯდომარემ არმან დილანიანმა განაცხადა, რომ საკონსტიტუციო სასამართლომ აღიარა სისხლის სამართლის საერთაშორისო სასამართლოს რომის სტატუტით გათვალისწინებული ვალდებულებები ძირითად კანონთან შესაბამისობაში. მისი თქმით, სასკონსტიტუციო სასამართლოს გადაწყვეტილება საბოლოოა და ის ძალაში გამოქვეყნებისთანავე შევა.
17 მარტს სისხლის სამართლის საერთაშორისო სასამართლომ ვლადიმირ პუტინის დაკავების ორდერი გასცა.
სისხლის სამართლის საერთაშორისო სასამართლოს მოსამართლეების გადაწყვეტილებით, რუსეთის პრეზიდენტი უკრაინაში ომის დანაშაულების ჩადენაშია ეჭვმიტანილი.
რომის სტატუტის მონაწილე ქვეყნებს ვალდებულება აქვთ, დააკავონ ვლადიმირ პუტინი, თუ ის მათ ქვეყანში ჩავა.
