აშშ-ში 8 ნოემბერს ჩატარებული შუალედური არჩევნების შედეგების გამოქვეყნება დაიწყო.
წინასწარი მონაცემებით, კონგრესის წარმომადგენელთა პალატის არჩევნებში რესპუბლიკელები ლიდერობენ. ამ დროისთვის დადასტურებულია 195 რესპუბლიკელისა და 168 დემოკრატის გამარჯვება. 435-წევრიან წარმომადგენელთა პალატაში უმრავლესობის მოსაპოვებლად პარტიებს სულ მცირე 218 ადგილი სჭირდებათ.
8 ნოემბერს ამერიკელებმა აირჩიეს 100-დან 93 წევრი სენატშიც. აქ რესპუბლიკელებს მცირე უპირატესობა აქვთ. რესპუბლიკელები 47, დემოკრატები - 46.
„თუ დავკარგავთ სენატსა და წარმომადგენლობით პალატას, წინ საშინელი ორი წელი გველოდება. კარგი ამბავი ის არის, რომ მე ვეტოს გამოყენების შესაძლებლობა მექნება", -ამის შესახებ ამერიკის შეერთებული შტატების პრეზიდენტმა, ჯო ბაიდენმა ჩიკაგოში განაცხადა.
საარჩევნო უბნების დახურვის პარალელურად, ამერიკის შეერთებული შტატების ყოფილმა პრეზიდენტმა, დონალდ ტრამპმა მომხრეებს მიმართა. ტრამპი ამბობს, რომ შტატებში ამაღელვებელი ღამეა. ყოფილი პრეზიდენტის თქმით, არჩევნებს რესპუბლიკელები მნიშვნელოვნად იგებენ.
ცნობისთვის, ამჟამად, წარმომადგენელთა პალატაშიც და სენატშიც უმრავლესობას დემოკრატები ფლობენ.
