ევროპის პრობლემების გადაჭრა ენერგეტიკულ სექტორში არ არის რთული, ამისათვის საკმარისია მხოლოდ „ღილაკზე დაჭერა“ და „ჩრდილოეთის ნაკადი 2“ მილსადენის გაშვება, - განაცხადა რუსეთის ელჩმა აშშ-ში ანატოლი ანტონოვმა სააგენტო "რია"-სთან ინტერვიუში.
"ევროპის ენერგეტიკული პრობლემების გადაჭრა ძალიან მარტივია. თქვენ უბრალოდ უნდა დააჭიროთ ღილაკს და გაუშვათ "ჩრდილოეთის ნაკადი 2", - აცხადებს ანტონოვი.
ანატოლი ანტონოვის თქმით, რუსეთის წინააღმდეგ ბრალდებები, რომ ის არის ევროპისა და მსოფლიოს ეკონომიკაში კრიზისის მთავარი მიზეზი, უსაფუძვლოა.
მისივე თქმით, მსგავსი განცხადებები "უმაღლესი დონის ფარისევლობაა".
