ლატვიის პარლამენტმა საბოლოო მოსმენით დაამტკიცა ცვლილებები ლატვიის მართლმადიდებელი ეკლესიის შესახებ კანონში, რომლითაც ეკლესიის სტატუსი იცვლება იმგვარად, რომ მან თავი დააღწიოს მოსკოვის საპატრიარქოს გავლენას და იმოქმედოს, როგორც სრულიად ავტონომიური და დამოუკიდებელი.
პარლამენტს საკანონმდებლო ცვლილების ინიციატივით ლატვიის პრეზიდენტმა ეგილს ლევიტსმა მიმართა.
კანონის თანახმად, ლატვიის მართლმადიდებელი ეკლესია თავისი ეპარქიებით, სამრევლოებით და დაწესებულებებით, არის სრულიად დამოუკიდებელი და არ არის დამოკიდებული ლატვიის გარეთ არც ერთი ეკლესიის ავტორიტეტზე.
კანონპროექტის ავტორების თანახმად, ამ ცვლილებებით ხელისულება არ ერევა და არა ჩაერევა საეკლესიო დოქტრინისა და კანონიკური სამართლის საკითხებში.
რუსეთის მართლმადიდებელმა ეკლესიამ გააკრიტიკა ლატვიის სეიმის დეპუტატების გადაწყვეტილება ლატვიის მართლმადიდებელი ეკლესიის დამოუკიდებლობის გამოცხადების შესახებ.
ლატვიის მართლმადიდებელი, თვითმმართველი ეკლესია რუსეთის ეკლესიის შემადგენლობაშია 1990 წლიდან. ლატვიის მართლმადიდებელი ეკლესიის საჭეთმპყრობელს მოსკოვის საპატრიარქო ამტკიცებს. ლატვიის მართლმადიდებელი ეკლესიის მეთაურია მიტროპოლიტი ალექსანდრ კუდრიაშოვი.
ფოტოზე: მიტროპოლიტი ალექსანდრ კუდრიაშოვი
