- მსოფლიო 07 სექტემბერი 2022, 23:13
თეთრ სახლში ბარაკ და მიშელ ობამების ოფიციალური პორტრეტები წარადგინეს
შეერთებული შტატების ყოფილი პრეზიდენტი ბარაკ ობამა და მისი მეუღლე, მიშელ ობამა თეთრ სახლში ოფიციალური პორტრეტების წარდგენისთვის დაბრუნდნენ.
საპრეზიდენტო ვადის ამოწურვიდან 5 წელზე მეტი ხნის შემდეგ, ბარაკ და მიშელ ობამებს თეთრ სახლში უმასპინძლა პრეზიდენტმა ჯო ბაიდენმა, რომელსაც ობამას ადმინისტრაციაში ვიცე-პრეზიდენტის თანამდებობა ეკავა.
"კეთილი იყოს თქვენი მობრძანება სახლში. ბარაკთან ერთად, მისი პრეზიდენტობის ჟამს, ჩვენ ყოველ დღე ვიღვიძებდით და იმედით სავსენი მივდიოდით სამსახურში. ბატონო პრეზიდენტო, ვერაფერი მომამზადებდა იმაზე უკეთ ან უფრო მეტად, რომ გავმხდარიყავი შეერთებული შტატების პრეზიდენტი, ვიდრე რვა წლის განმავლობაში თქვენს გვერდით ყოფნა და ამას გულწრფელად ვამბობ", - თქვა ჯო ბაიდენმა მისალმებისას.
აშშ-ს პრეზიდენტებისა და პირველი ლედები ოფიციალური პორტრეტები თეთრი სახლის კედლებს, დერეფნებსა და ოთახებს ამშვენებს.
მიუხედავად იმისა, რომ მრავალწლიანი ტრადიციის თანახმად, ახალი პრეზიდენტი წინა პრეზიდენტს თეთრ სახლში იწვევს ოფიციალური პორტრეტების წარსადგენად, დონალდ ტრამპმა ეს ტრადიცია დაარღვია.
