ჩინეთის ლიდერი სი ძინპინი მომავალ კვირას რუსეთის პრეზიდენტ ვლადიმირ პუტინს შეხვდება.
შეხვედრა გაიმართება შანხაის თანამშრომლობის ორგანიზაციის (SCO) სამიტის, ევრაზიული პოლიტიკური და უსაფრთხოების ფორუმის ფარგლებში, რომელიც დაგეგმილია უზბეკეთის ქალაქ სამარყანდში, 15-16 სექტემბერს.
ეს იქნება ორი ქვეყნის ლიდერის პირველი შეხვედრა უკრაინის რუსეთის მიერ ომის წამოწყების შემდეგ. ბოლოს ისინი ერთმანეთს თებერვლის დასაწყისში, პეკინში შეხვდნენ, ზამთრის ოლიმპიური თამაშების დაწყებისას.
ეს შეხვედრა კიდევ ერთი ნიშანია იმისა, რომ უკრაინაში აგრესიული ომის გაჩაღების ფონზე, ჩინეთი კვლავ ესწრაფვის ურთიერთბების გაღრმავებას რუსეთთან. პეკინს დღემდე არ დაუგმია რუსეთის მიერ ომის გაჩაღება.
სამარყანდში ჩასვლამდე, სი ძინპიინი ყაზახეთის რესპუბლიკას ეწვევა. ეს იქნება მისი პირველი ვიზიტი უცხო ქვეყანაში მას შემდეგ, რაც 2020 წელს კორონავირუსის პანდემიის გამო, ჩინეთის საზღვრები პრაქტიკულად დაიხურა.
