ავღანეთის დედაქალაქ ქაბულში რუსეთის საელჩოს შენობასთან აფეთქება მოხდა.
დასავლური მედიის ინფორმაციით, აფეთება სავარაუდოდ თვითმკვლელმა ტერორისტმა მოაწყო.
"თავდამსხმელს, სანამ მიზანს მიაღწევდა, რუსეთის საელჩოს დაცვამ ცეცხლი გაუხსნა", - იუწყება ადგილობრივი პოლიცია.
დაღუპულთა და დაშავებულთა შესახებ ინფორმაცია არ ვრცელდება.
ინციდენტის თვითმხილველების თქმით, აფეთქების ადგილზე უამრავი ადამიანი იმყოფებოდა.
სოციალურ ქსელებში გავრცელებული ცნობების თანახმად, აფეთქების შედეგად, ირგვლივ მდებარე შენობებში მინები ჩაიმსხვრა.
"თალიბანს", რომელიც ავღანეთს აკონტროლებს ოფიციალური კომენტარი ჯერჯერობით არ გაუკეთებია.
