კამჩატკაში ვულკან კლიუჩევსკაია სოპკაზე ასვლისას ექვსი ადამიანი დაიღუპა.
ყველა დაღუპული 12-კაციანი ჯგუფის წევრია, რომლებიც 30 აგვისტოს წავიდნენ ლაშქრობაში ვულკან კლიუჩევაია სოპკაზე ასასვლელად.
3 სექტემბერს ტურისტებმა 3.3 ათასი მეტრის სიმაღლიდან ასვლა დაიწყეს. დაახლოებით ერთი კილომეტრის გავლის შემდეგ, სიმაღლიდან ჩამოვარდნისას ხუთი ადამიანი დაიღუპა, რამდენიმე საათის შემდეგ მსხვერპლთა რიცხვი ექვსამდე გაიზარდა.
ჯგუფიდან ორი ადამიანი 3300 მ სიმაღლეზე ბანაკში იმყოფება და მაშველების მოსვლას ელოდება, დანარჩენი 4000 მ-ზე მეტ სიმაღლეზე რჩება.
"ტურისტები 4000 მეტრის სიმაღლიდან დამოუკიდებლად ვერ ჩამოდიან: ყველა დასუსტებულია ხანგრძლივი ლაშქრობით და ჟანგბადის ნაკლებობით", - იუწყება მედია.
სამაშველო ოპერაცია რთულდება უამინდობის გამო.
კლიუჩევსკაია სოპკა არის ყველაზე მაღალი აქტიური ვულკანი ევრაზიაში. მისი სიმაღლე 4,8 ათასი მეტრია.
