გერმანიის საგარეო საქმეთა სამინისტრო გამოეხმაურა პოლონეთის მმართველი პარტიის მესვეურთა განცხადებას იმის თაობაზე, რომ ვარშავა ბერლინისგან მეორე მსოფლიო ომში მიყენებული ზიანის გამო, 1.5 ტრილიონი დოლარის რეპარაციებს მოელის.
ოფიციალური ბერლინის განცხადებით, რეპარაციების საკითხი დახურულია და ამ მიმართულებით, რაიმე ცვლილება არ იგეგმება.
"გერმანიის მთავრობის პოზიცია უცვლელია, რეპარაციების საკითხი დასრულებულია", - ნათქვამია სამინისტროს პრესსპიკერის განცხადებაში.
"პოლონეთმა უარი თქვა შემდგომ რეპარაციაზე დიდი ხნის წინ, 1953 წელს და რამდენჯერმე დაადასტურა ეს უარი. ეს არის დღევანდელი ევროპული წესრიგის ფუნდამენტური საფუძველი. გერმანია გრძნობს პოლიტიკურ და მორალურ პასუხისმგებლობას მეორე მსოფლიო ომზე", - დასძინა სპიკერმა.
