ლიეტუვამ განაცხადა, რომ დაასრულა ბელორუსის საზღვარზე დამცავი ღობის მშენებლობა არალეგალურ იმიგრაციასთან საბრძოლველად, რომლის ორგანიზებაშიც დასავლეთი მინსკს ადანაშაულებს.

წელს ლიეტუვაში, რომელიც ევროკავშირის წევრია, არალეგალური იმიგრაცია მკვეთრად გაიზარდა - დაახლოებით 4 200 მიგრანტით. მათგამ უმრავლესობა ახლო აღმოსავლეთისა და აფრიკის ქვეყნებიდანაა, რომელთაც ლიეტუვის საზღვარი მეზობელი ბელარუსიდან გადაკვეთეს.

დასავლეთი ადანაშაულებს ლუკაშენკას რეჟიმს, მის მოკავშირე რუსეთთან ერთად, მიგრანტების ნაკადების მანიპულირებაში და მას ჰიბრიდული ომს უწოდებს..

ოთხი მეტრის სიმაღლის მავთულის ღობე ორ ქვეყანას შორის საერთო საზღვრის დაახლოებით 550 კილომეტრზეა გადაჭიმული.

ლიეტუვის პრემიერ-მინისტრ ინგრიდა შიმონიტეს განცხადებით, ფიზიკური ბარიერის აღმართვა საზღვრის მთელ პერიმეტრზე „ტექნიკურად შეუძლებელია“, რადგან ის გადის ასევე ტბებზე, მდინარეებსა და ჭაობებზე.