გაეროს ატომური ენერგიის საერთაშორისო სააგენტო (IAEA) ექსპერტთა მისია მიემგზავრება ზაპოროჟიეს ატომურ ელექტროსადგურში.
დელეგაციას სააგენტოს დირექტორი რაფაელ გროსი ხელმძღვანელობს.
"ეს დღე დადგა. IAEA-ს მისია გზაშია, ჩვენ უნდა დავიცვათ უკრაინასა და ევროპაში უდიდესი ბირთვული ობიექტის უსაფრთხოება. საერთაშორისო მისიის ექსპერტები ადგილზე ამ კვირაში ჩავლენ", - წერს გროსი ტვიტერში.
New York Times-ის ინფორმაციით, დელეგაციაში შედიან ექსპერტები საფრანგეთიდან, იტალიიდან, ალბანეთიდან, ჩრდილოეთ მაკედონიიდან, იორდანიიდან, მექსიკიდან, ლიეტუვიდან, სერბეთიდან, პოლონეთიდან და ჩინეთიდან.
