რუსული ბირთვული ენერგეტიკული გიგანტი Rosatom უახლოეს კვირებში უნგრეთში ორი ახალი ბირთვული რეაქტორის მშენებლობას დაიწყებს, განაცხადა უნგრეთის საგარეო საქმეთა მინისტრმა.
რუსეთსა და ევროკავშირის ამ სახელმწიფოს შორის 2014 წელს მიღწეული შეთანხმება მიზნად ისახავს პაკშის ატომური ელექტრო სადგურის გაფართოებას.
პაქშის ატომური ელექტროსადგური ამ დროისთვის უნგრეთს ელექტროენერგიის 40%-ს აწარმოებს. მოელიან, რომ დამატებით ორი რეაქტორით, გამომუშავებული ელექტროენერგია გაორმაგდება.
უნგრეთის საგარეო საქმეთა მინისტრ პიტერ სიიარტოს განცხადებით, ატომური რეაქტორები შესაძლოა ექსპლუატაციაში 2030 წლისთვის შევიდეს.
"ვიწყებთ მშენებლობას. ეს არის დიდი ნაბიჯი, მნიშვნელოვანი ეტაპი. ამ გზით ჩვენ უზრუნველვყოფთ უნგრეთის ენერგეტიკულ უსაფრთხოებას გრძელვადიან პერსპექტივაში და დავიცავთ უნგრელებს ენერგიის ფასების რყევებისგან", - წერს სიიარტო სოციალურ ქსელში.
პროექტი 12.5 მილიარდი დოლარის ღირებულებისაა. ძირითადი ნაწილი დაფინანსებულია რუსეთის მიერ.
