20 აგვისტოს ლიეტუვასა და ლატვიაში აშშ-ის 22-ე საზღვაო ძალების ხომალდები, საექსპედიციო საზღვაო ქვეითებთან ერთად ჩავიდნენ. ამავდროულად, აშშ-ის საზღვაო ძალების კიდევ ერთი ხომალდი ესტონეთის პორტში შევიდა.
ამერიკული სადესანტო ხომალდი USS Kearsarge, რომელიც არის აშშ-ის საზღვაო ქვეითთა კორპუსის 22-ე საექსპედიციო ნაწილის სამეთაურო ხომალდი, 20 აგვისტოს დილით, ლიტუვაში, კლაიპედას პორტში შევიდა.
ლიეტუვის თავდაცვის სამინისტროს ცნობით, ეს არის ყველაზე დიდი ხომალდი, რომელიც ოდესმე შესულა მათ პორტებში. ხომალდის სიგრძე 257,3 მეტრია, სიგანე - 60,1 მეტრი. ეკიპაჟი 2 ათასზე მეტი წევრს ითვლის, ბორტზე მუდმივად იმყოფება 1,5 ათასამდე ადამიანი.
ხომალდ USS Kearsarge-ს შეუძლია საზღვაო ძალების 26-მდე ვერტმფრენის გადაზიდვა.
პარალელურად რიგის პორტში (ლატვია) კიდევ ორი ამერიკული ხომალდი - აშშ-ს საზღვაო ძალების სადესანტო-სატრანსპორტო გემი USS Arlington და აშშ-ს საზღვაო ძალების სადესანტო გემი Gunston Hall - ჩავიდა.
"Arlington-ისა და Gunston Hall-ის ვიზიტი ლატვიაში ეფუძნება ძლიერ და მდგრად ურთიერთობას აშშ-სა და ლატვიას შორის", - თქვა ლატვიაში აშშ-ს საელჩომ.
გარდა ამისა, 20 აგვისტოს ტალინის პორტში (ესტონეთი) ამერიკული სამხედრო ხომალდი USS Paul Ignatius ჩავიდა.
ესტონეთში აშშ-ის საელჩოს ცნობით, გამანადგურებელი USS Paul Ignatius არის მეხუთე ამერიკული სამხედრო ხომალდი, რომელიც ესტონეთში მაისის შემდეგ ჩავიდა, რაც "ხაზს უსვამს აშშ-ს ვალდებულებას რეგიონში შეკავებისა და თავდაცვის გაძლიერებისკენ".
აშშ-ს საზღვაო ძალების მეექვსე ფლოტმა განაცხადა, რომ ოთხი ხომალდის ყოფნა ბალტიისპირეთში "ადასტურებს შეერთებული შტატების ერთგულებას რეგიონალური მოკავშირეებისა და პარტნიორების მიმართ".
