თურქეთში, მარდინის პროვინციაში, დერიკის რაიონში ნახევრადმისაბმელიანი სატვირთო მანქანა შეეჯახა სასწრაფო დახმარების მანქანასა და მსუბუქ ავტომობილებს.
უბედური შემთხვევის შედეგად სულ მცირე 16 ადამიანი დაიღუპა. დაშავდა დაახლოებით 29 ადამიანი.
იუწყებიან, რომ დაღუპულთა შორის ბავშვებიც არიან.
ავტოსაგზაო შემთხვევა ბენზინგასამართ სადგურთან მოხდა. ნახევრადმისაბმელიანი სატვირთო მანქანა მის წინ მყოფ ორ ავტომობილს შეეჯახა, ამავდროულად უკან მყოფი კიდევ ერთი სატვირთო მანქანა სასწრაფო-სამედიცინო დახმარების ჯგუფსა და ირგვლი მყოფ მოქალაქეებს შეეჯახა.
დაშავებული 29 ადამიანიდან 8 პირის მდგომარეობა მძიმეა.
შეგახსენებთ, დღეს ავტოავარია თურქეთში, გაზიანთეფის პროვინციაშიც მოხდა, რომლის შედეგად, 16 ადამიანი დაიღუპა და 21 დაშავდა.