შეერთებული შტატების ხაზინის მდივნის მოადგილემ უოლი ადეემომ თავის თურქ კოლეგასთან სატელეფონო საუბრისას, შეშფოთება გამოთქვა იმასთან დაკავშირებით, რომ რუსეთის ფიზიკური და იურიდიული ცდილობენ, თურქეთი სანქციების გვერდის ასავლელად გამოიყენონ. ნათქვამია აშშ-ის ხაზინის დეპარტამენტის პრესსრელიზში.
ხაზინის დეპარტამენტის ცნობით, საუბრი შეეხო "მიმდინარე ძალისხმევას, რათა განხორციელდეს და აღსრულდეს მრავალმხრივი სანქციები, რომლებიც დაწესდა რუსეთის წინააღმდეგ უკრაინაში შეჭრის გამო".
"მდივნის მოადგილემ შეშფოთება გამოთქვა იმის გამო, რომ რუსეთის ფიზიკური და იურიდიული პირები ცდილობენ გამოიყენონ თურქეთი აშშ-ისა და 30 ქვეყნის მიერ დაწესებული სანქციების გვერდის ასავლელად.
მდივნის მოადგილემ კიდევ ერთხელ დაადასტურა შეერთებული შტატების ინტერესი თურქეთის ეკონომიკის აღმავლობაში და გამოხატავა ვალდებულებისადმი ერთგულება, პარტნიორობა გაუწიოს თურქეთის მთავრობას საბანკო სექტორის დასაცავად", - ნათქვამია პრესრელიზში.
შეგახსენებთ, რომ მანამდე შეერთებულმა შტატებმა მოუწოდა თურქეთს, თავი აერიდებინა შეთანხმებებისთვის რუსეთის თავდაცვის ინდუსტრიასთან.
მანამდე, Financial Times-ი იტყობინებოდა, რომ დასავლეთის ქვეყნები არ გამორიცხავენ თურქეთის წინააღმდეგ სადამსჯელო ზომების შემოღებას რუსეთთან ურთიერთობის გაღრმავების ფონზე.
ამასთან, რამდენიმე დღის წინ, Politico-მ გაავრცელა ინფორმაცია, რომლის თანახმადაც, ვაშინგტონმა შესაძლოა, მოსთხოვოს ამერიკულ კომპანიებს, გავიდნენ თურქეთიდან, თუ ანკარა მოსკოვთან დაახლოებას გააგრძელებს.
