ამერიკის შეერთებული შტატების საელჩოს, ისევე როგორც ევროკავშირის საელჩოს განცხადებები არის აბსოლუტურად ადეკვატური და ხელისუფლებას მოუწოდებს ინკლუზიურობისკენ, – ამის შესახებ „სტრატეგია აღმაშენებლის“ წევრმა, სერგო ჩიხლაძემ განაცხადა.
როგორც სერგო ჩიხრაძემ აღნიშნა, დასავლელი პარტნიორები ხედავენ საფრთხეებს, რასაც „ქართული ოცნება“ უქმნის ევროინტეგრაციის პროცესს და ეს არ დაშვება, გამოგდება, არაინკლუზიურობა კიდევ ერთი მაგალითია „ოცნების“ ობსტრუქციული ხასიათის.
"აბსოლუტურად ადეკვატურია მათი ეს განცხადებები, სამწუხაროდ მე არ მგონია, რომ „ოცნებამ“ გაითვალისწინოს ჩვენი დასავლელი პარტნიორების მოწოდება, ისინი არ ითვალისწინებენ არც აშშ-ს, არც ევროკავშირის მოწოდებას. ყველაფერს აკეთებენ ურთიერთობების დასაძაბად და გასაფუჭებლად. ყველაფერს აკეთებენ, რათა ჩვენ მეგობარი აღარ დაგვრჩეს საერთაშორისო არენაზე და დაგვტოვონ პირისპირ რუსეთთან ერთად, ეს არის „ოცნების“ ამოცანა“, – განაცხადა ჩიხლაძემ.
