სომხეთის საგანგებო სიტუაციების სამინისტროს ცნობით, ერევანში, სავაჭრო ცენტრ "სურმალუში" მომხდარი აფეთქების შედეგად 16 ადამიანი დაიღუპა.
სამძებრო-სამაშველო სამუშაოების დროს იპოვეს 16 ცხედარი, აქედან 6 იდენტიფიცირებულია, ათი კი ჯერჯერობით უცნობია.
ერევნის სამედიცინო დაწესებულებებს 61-მა დაშავებულმა მიმართა, მათგან 13 აგრძელებს მკურნალობას, 48-ს გაეწია დახმარება და გაწერეს.
16 აგვისტოს დილის მონაცემებით, 18 ადამიანი უგზო-უკვლოდ დაკარგულად ითვლება. დაკარგულთა შორის ერთი რუსეთის, ხოლო ერთი ირანის მოქალაქეა.
14 აგვისტოს, სავაჭრო ცენტრის პიროტექნიკის საწყობში ძლიერი აფეთქება მოხდა, რასაც მოჰყვა ნგრევა და ხანძარი.
სომხეთში მომხდარი ტრაგედიის გამო მწუხარება გამოთქვა საქართველოს პრეზიდენტმა სალომე ზურაბიშვილმა.