უკრაინის შეიარაღებულმა ძალებმა ლატვიისგან ოთხი საბრძოლო ვერტმფრენი მიიღო. იუწყება სააგენტო Delfi ლატვიის თავდაცვის სამინისტროზე დაყრდნობით.
საუბარია ორ ერთეულ Ми-17-ისა და ორ ერთეულ Ми-2-ის ტიპის შვეულმფრენებზე.
"ექვსი თვის წინ, ლატვიის მიერ უკრაინისთვის ნაჩუქარი "სტინგერები" დაეხმარა უკრაინას რუსეთის შეჭრის შეკავებაში. ახლა, როდესაც უკრაინელი მეომრები ბევრ ადგილას კონტრშეტევაზე გადადიან, ჩვენი ვერტმფრენები მათ საბრძოლო მოქმედებების ჩატარებაში დაეხმარებათ და მათ სიცოცხლეს გადაარჩენს. დასავლეთის მხარდაჭერა არ უნდა შეწყდეს, ვიდრე უკრაინა ტერიტორიებს რუსეთის საოკუპაციო ჯარებისგან არ გაათავისუფლებს", - განაცხადა ლატვიის თავდაცვის მინისტრმა.
უკრაინამ ვერტმფრენები დაშლილ მდგომარეობაში მიიღო. უკრაინის საჰაერო ძალები ვერტმფრენების გამოყენებას მათი აწყობის შემდეგ შეუდგებიან.