დასავლეთის მიერ უკრაინისთვის იარაღისა და საბრძოლო მასალის მუდმივი მიწოდება შეერთებულ შტატებსა და რუსეთს შორის პირდაპირი შეიარაღებული კონფლიქტის რისკებს წარმოშობს. აცხადებს Newsweek-თან ინტერვიუში ვაშინგტონში რუსეთის ელჩი ანატოლი ანტონოვი.
"დასავლეთის ქვეყნები უშუალოდ მონაწილეობენ მოვლენებში, რადგან ისინი აგრძელებენ იარაღისა და საბრძოლო მასალის მიწოდებას, რაც შემდგომ სისხლისღვრას იწვევს", - განაცხადა ანტონოვმა.
"ამან შესაძლოა აშშ და რუსეთი დააყენონ პირდაპირი სამხედრო დაპირისპირების გზაზე", - დასძინა მან.
ანტონოვმა დასავლეთის მიერ უკრაინისთვის სამხედრო დახმარებას "პროვოკაციული" უწოდა და აღნიშნა, რომ ეს პოზიცია პირდაპირ ემუქრება რუსეთის უსაფრთხოებას.
მისივე თქმით, უკრაინის ტერიტორიაზე მოძრავი დასავლური იარაღის კოლონები "რუსეთის არმიის ლეგიტიმური სამიზნე ხდება".
"რუსი სამხედროები უკრაინაში იღებენ ყველა ზომას მშვიდობიანი მოსახლეობის მსხვერპლის თავიდან ასაცილებლად და სასიცოცხლო ინფრასტრუქტურის შესანარჩუნებლად. დარტყმები ხორციელდება ექსკლუზიურად სამხედრო ობიექტებზე მაღალი სიზუსტის იარაღის გამოყენებით", - თქვა ანტონოვმა.
რუსეთის ელჩმა კიდევ ერთხელ გაიმეორე კრემლის პოზიცია, რომ მათი მიზანია, რუსეთის ინტერესების გათვალისწინებით, უკრაინის დემილიტარიზაცია და "დენაციფიკაცია".
"ასევე, რუსეთის სუვერენიტეტის აღიარება ყირიმზე, ლუჰანსკისა და დონეცკის რესპუბლიკების დამოუკიდებლობის აღიარება", - დასძინა ანტონოვმა.
