თეთრ სახლში უკრაინის გარშემო ვითარების ესკალაციას აღარ მოიხსენიებენ, როგორც გარდაუვალს, - ამის შესახებ თეთრი სახლის პრესმდივანმა ჯენ ფსაკიმ განაცხადა.
"მე ეს სიტყვა [გარდაუვალი] გამოვიყენე ერთხელ. ვფიქრობ, რომ სხვებიც ასე მოიქცნენ, მაგრამ შემდეგ მას აღარ იყენებდნენ, რადგან მიმაჩნია, რომ ის იძლევა სიგნალს, რომლის გაშვება სინამდვილეში არც გვიფიქრია", - აღნიშნა ფსაკიმ.
"ვიტყოდი, რომ უმეტეს შემხვევაში, როდესაც ამ საკითხზე კომენტარს ვაკეთებდი, ვსაუბრობდით ნებისმიერ დროს შესაძლო შეჭრაზე [უკრაინაში]. ეს სიმართლეა. ჯერ კიდევ ვიცით, რომ შესაძლოა, მიღებული იყოს ასეთი გადწყვეტილება", - განაცხადა ფსაკიმ.
უკრაინაში რუსეთის შეჭრის გარდაუვალობის შესახებ თეთრ სახლში გაკეთებული განცხადებები უკმაყოფილებას იწვევდა კიევში. უკრაინის ხელისუფლების მესვეურები, მათ შორის პრეზიდენტი ზელენსკი აცხადებდა, რომ ისინი არ აფლობენ ასეთ ინფორმაციას და გარდა ამისა, მსგავსი პროგნოზები ძირს უთხრის ეკონომიკურ სტაბილურობას, თესავს პანიკას.
