ნორვეგიის სასამართლომ 77 ადამიანის მკვლელობაში ბრალდებული ულტრამემარჯვენე ექსტრემისტის, ანდრეის ბრეივიკის მოთხოვნა პირობით ვადამდე გათავისუფლების თაობაზე.
"არსებობს აშკარა რისკი, რომ [ბრეივიკი] დაუბრუნდეს იმგვარ ქცევას, რამაც გამოიწვია 22 ივლისის ტერაქტები", - განაცხადა ტელემარკის რაიონულმა სასამართლომ და უარყო გათავისუფლების მოთხოვნა.
ვინაიდან ბრეივიკს არასდროს გამოუხატავს სინანული მის მიერ განხორციელებული სასტიკი ტერაქტების გამო, სასამართლოს ეს გადაწყვეტილება მოსალოდნელი იყო.
სასამართლომ ბრეივიკის მოთხოვნის განხილვა რამდენიმე დღის წინ დაიწყო. სასამართლოს დაწყებამდე ნორვეგიის პროკურატურის სპიკერმა განაცხადა, რომ უწყება ბრეივიკს კვლავ საშიშ დამნაშავედ მიიჩნევს და მისი გათავისუფლება შეცდომა იქნება.
ვადამდე გათავისუფლება ბრეივიკმა გასულ წელსაც მოითხოვა, თუმცა მისი შუამდგომლობა სასამართლომ მაშინაც უარყო/
ანდრეს ბრეივიკმა 22 ივლისს ნორვეგიაში ორი ტერორისტული აქტი განახორციელა, რომელსაც 77 ადამიანი ემსხვერპლა. 69 ადამიანი მან კუნძულზე მოკლა, 8 კი ოსლოში მომხდარი აფეთქების შედეგად დაიღუპა.
კუნძულ ოტოიაზე განხორციელებულ ტერაქტს ქართველი გოგონა თამთა ლიპარტელიანიც ემსხვერპლა.
ნორვეგიის სასამართლომ ანდერს ბრეივიკი ფსიქიკურად ჯანმრთელად ცნო და მას 21 წლით პატიმრობა მიუსაჯა, იმ დაშვებით, რომ ვადა შესაძლოა განუსაზღვრელად გაგრძელდეს, ვიდრე კვლავ სახიფათო იქნება საზოგადოებისთვის.
